Вохӯриҳои кормандони АНММ бо наврасон

Душанбе, 31.10.2014. (АМИТ «Ховар», Мукаддас Темурзода).- Кормандони Агентии назорати маводи мухаддири назди Президенти Ҷумҳурии Тоҷикистон дирӯз бо талабагони синфҳои болоӣ ва волидони мактабҳои миёнаи таҳсилоти умумии №67 ва  №73 ноҳияи Сино вохӯрии зидди нашъмандӣ гузарониданд.
 
Тибқи иттилои АНММ, дар чорабинӣ кормандони Хадамоти муҳоҷирати Тоҷикистон, Хадамот оид ба ҳимояи ҳифзи ҳуқуқи кӯдакон , Раёсати ВКД ноҳияи Сино, Ассотсиатсияи ҷомеаи шаҳрвандон, Шӯъбаи кор бо ҷавонон, варзиш ва сайёҳии Ҳукумати ноҳияи Синои пойтахт иштирок намуданд.
 
Зимни мулоқот мутахассисони агентӣ дар бораи пешгирии нашъмандӣ миёни ҷавонон ва наврасон нақл намуданд.