Вохӯрии корфармоёни Санкт-Петербург дар Душанбе

Душанбе, 27.10.2014. (АМИТ «Ховар», Лайло Тоирӣ).- Бино ба иттилои Раёсати муносибатҳои байналхалқӣ ва робита бо ҷомеаи Вазорати меҳнат, муҳоҷират ва шуғли аҳолӣ 8 ноябри соли 2014, аз соати 11:00 то 14:00 дар бинои вазорат вохӯрии корфармоён- намояндагони ширкатҳои шаҳри Санкт-Петербурги Федератсияи Русия бо шаҳрвандони Ҷумҳурии Тоҷикистон баргузор мегардад.Мақсади мулоқот бо кор таъмин намудани шаҳрвандони Ҷумҳурии Тоҷикистон дар корхонаю ташкилотҳо ва муассисаҳои Санкт-Петербург мебошад.Шахсоне, ки мехоҳанд дар ин мулоқот ширкат варзанд ва ё дар шаҳри Санкт-Петербург ҷои кор дарёфт намоянд, метавонанд ба Вазорати меҳнат, муҳоҷират ва шуғли аҳолӣ муроҷиат намоянд.