«Авруосиё моем!» — 2014

 
Душанбе, 3 ноябр. (АМИТ «Ховар»,  Руқияи  Боймамад).-  Бо  дастгирии Вазорати  маориф  ва  илми  Федератсияи  Русия,  Агентии  федералии  умури  ҷавонон  ва ҳукумати вилояти  Рязан  аз  26  октябр  то  1 ноябр  дар   шаҳрҳои Маскав  ва  Рязан ҷашнвораи  ҷавонону  донишҷӯёни  кишварҳои  минтақаи  ҳамсоягии  неки «Авруосиё  моем!»  баргузор  гардид.
«Авруосиё моем!» ҳамоиши  байналмилалиест, ки  беш  аз  200  нафар  намояндагони  33  кишвар  аз  ҷумлаи   роҳбарони  созмонҳои  ҷавонон,  журналистон,  сиёсатмадорони  ҷавон, ходимони  илму  фарҳанги  кишварҳои  фазои Авруосиё,  ҳамчунин   донишҷӯёни  муҳассили  донишкадаҳои олии  Федератсияи  Русияро  ҷамъ  овард.
Яке  аз  вазифаҳои   барномаи  мазкур  иборат  аз  барқарор  намудани  равобити  мустақими ҳайатҳои  намояндагони  ҷавони  доираҳои  ҷамъиятию  сиёсии  ИДМ,  кишварҳои  Балтия, Обҳозистон ва Иристони  Ҷанубӣ  мебошад.
Натоиҷи   татбиқи  лоиҳа   дар   бахши   рушди   ҳамкории   байналмилалии  иқтисодӣ,  гуманитарӣ  ва  фарҳангию  сайёҳӣ,  ташаккули  симои   мусбати  Русия  дар  байни  намояндагони  ҷавони   давлатҳои  хориҷӣ   мавриди  истифода  қарор  мегиранд.