Баргузории «Навои Ватан» миёни сохторҳои қудратӣ
Душанбе, 03.11.2014 (АМИТ “Ховар”, Фарзонаи Давлат).-Рӯзи 1-уми ноябри соли равон дар Кохи фарҳангии «Ҷомӣ» фестивали ҷумҳуриявии сурудҳои ватандўстонаи «Навои Ватан» миёни сарбозони сохторҳои қудратии мамлакат ба муносибати 20-солагии Конститутсия (Сарқонун)-и Ҷумҳурии Тоҷикистон баргузор гардид.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар фестивали мазкур дастаҳои ҳунарӣ аз ҷузъу томҳои Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Сарраёсати Қўшунҳои сарҳадии Кумитаи давлатии амнияти миллии Ҷумҳурии Тоҷикистон, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Гвардияи миллии Тоҷикистон ва Бригадаи 6593 Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон иштирок намуданд.
Гуфта мешавад, ки дар поёни Фестивали мазкур раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абуллозода барои иштироки фаъолона ба ҳамаи қисмҳои низомӣ ибрози минаддорӣ намуд. Номбурда аз афсарону сарбозони шуҷои Ватан даъват кард, ки барои амнияту оромии кишвар ва ҳифзи марзу буми он ҳамеша омода бошанд. Аҳтам Абуллозода дар рўҳияи тантанавӣ туҳфаҳои хотиравиро ба иштирокҷиёни фестивал супорид.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






