Чкалов: Тақдими 5 дастгоҳи қолинбофӣ ба мактаб-интернат
Душанбе, 1.11.2014. (АМИТ «Ховар», Зарангези Латиф).- Аз ҷониби Кумитаи имдоди Имом Ҳумайнии Ҷумҳурии Исломии Эрон дар вилояти Суғд ба мактаб-парваришгоҳи мақомоти иҷроияи ҳокимияти давлатии вилояти Суғд дар шаҳри Чкалов 4 дастгоҳи хурд ва 1 адад дастгоҳи калони қолинбофӣ ҳадя шуд.
Гуфта мешавад, ки дар маросими супоридани туҳфаҳо Фирдавс Ашӯматов, роҳбари Кумитаи имдод дар вилояти Суғд, мудири шуъбаи маорифи шаҳр, мудири бахши кор бо занон ва оила ва сардори бахши Агентии меҳнат ва шуғли аҳолӣ дар шаҳри Чкалов иштирок намуданд.
Таъкид гардид, ки дар вилояти Суғд бо ташаббуси раиси вилоят Абдураҳмон Қодирӣ ҳунарҳои миллӣ аз нав эҳё гардида истодаанд ва ин иқдоми кумита ба хотири тақвият бахшидани ташаббуси раиси вилоят роҳандозӣ гардидааст.
Дар ин бора аз дафтари матбуоти раиси вилояти Суғд хабар доданд.