Дармонгоҳи тиббии РВКД дар Хуҷанд

Хуҷанд, 10.11.2014. (АМИТ «Ховар», Абдуаҳад Шарифзода).-Дар шаҳри Хуҷанд дармонгоҳи тиббии кормандони макомоти корҳои дохилӣ мавриди баҳрабардорӣ қарор дода шуд. Дар расми ифтитоҳи дармонгоҳ вазири корҳои дохилии ҶТ генерал-лейтенанти милитсия Рамазон Раҳимзода, раиси вилояти Суғд Абдураҳмон Қодирӣ, собиқадорони соҳа ва ҳайати шахсии мақомоти корҳои дохилӣ иштирок намуданд.Бояд гуфт, ки дармонгоҳи тиббӣ дар муддати кӯтоҳ бо дастгирии бевоситаи роҳбарияти Вазорати корҳои дохилӣ, роҳбарияти вилоят ва соҳибкорони ватанӣ навсозӣ ва таъмиру таҷдид шуд.Дармонгоҳи мазкур, ки аз ду ошёна иборат аст, бо тамоми таҷҳизоти муосир ва ба талабот ҷавобгӯ муҷаҳҳаз буда, он барои ташхису табобат ва хизматрасонии кормандони мақомоти корҳои дохилӣ ва тамоми сохторҳои қудратӣ пешбинӣ гардидааст. Инчунин дармонгоҳ дорои ҳуҷраҳои корӣ, утоқҳои табобатӣ, асбобҳои ташхисӣ ва таҷҳизоти тиббии ҳозиразамон мебошад.