Г. Саидова чӣ тавр иҷозаи ба Русия рафтанро пайдо намуд?

Душанбе, 03.11.2014. (АМИТ «Ховар», Лайло Тоирӣ).- Тавре ки аз Раёсати муҳоҷирати меҳнатии Хадамоти муҳоҷират Дӯстмурод Умбаров хабар дод, моҳи августи соли равон шаҳрванди Тоҷикистон Гулҷаҳон Саидова, ки аз ҳудуди Русия берун шуда буд, ба Раёсати муҳоҷирати меҳнатӣ бо ариза муроҷиат намуда, хоҳиш намуд, ки барои баргаштан ба назди фарзандони ноболиғаш, ки дар Федератсияи Русия мебошанд, иҷозати вуруд диҳанд.  Бино ба гуфтаи Саидова, вайро мақомоти интизомии Русия бинобар сабаби вайрон намудани қоидаҳои будубош аз қаламрави ин кишвар маҷбуран ба муддати 5 сол берун кардаанд.Кормандони хадамот дар асоси аризаи мавсуф ба роҳбарияти Хадамоти Федеролии муҳоҷирати Русия ҷиҳати мусоидат мактуби расмӣ ирсол намуданд.Аз тарафи Хадамоти федералии муҳоҷирати Русия ба Гулҷаҳон Саидова имконияти дубора ворид шудан ба Федератсияи Русия дода шуд.Дар айни замон мавсуф дар назди фарзандонаш қарор дорад.