Намояндагони Тоҷикистон ба Тошканд мераванд

      Душанбе, 03.11.2014.(АМИТ «Ховар», Марзия Саидзода).- Ду нафар нозири тоҷик  ҷараёни баргузории интихоботи парлумонии Ӯзбекистонро, ки 21 декабри соли равон  баргузор мегардад, мушоҳида мекунанд.
       Абдуманнон Додоев -роҳбари дастгоҳи Комиссияи марказии интихобот ва раъйпурсии ҷумҳурӣ  /КМИР/дар суҳбат ба хабарнигори АМИТ «Ховар» гуфт, ки  нозирони тоҷик — Юсуфбек Шодмонбеков -аъзои КМИР ва Мирзо Ашӯров, сармутахассиси КМИР буда, дар ҳайати нозирони Кумитаи иҷроияи Иттиҳоди Давлатҳои Мустақил ҷараёни баргузории интихоботи палатаи поёнии Парлумони Ӯзбекистонро мушоҳида менамоянд. Интизор меравад, ки намояндагони КМИР-и Тоҷикистон 19 декабри соли равон озими Тошканд гарданд.