Риояи қонун-кафили зиндагии шоиста

Душанбе, 3.11.2014. (АМИТ «Ховар», Зарангези Латиф).- Бо мақсади пешгирӣ намудани қонуншиканиҳо ва иҷрои талаботи қонунҳои Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” ва дигар қонунҳои ҷорӣ дар шаҳри Чкалов тадбирҳои судманд андешида мешаванд.
Ба иттилои сомонаи расмии раиси вилояти Суғд, тибқи нақшаи муштараки масъулини бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳр, прокуратураи шаҳр ва  шуъбаи Вазорати корҳои дохилии ҶТ дар шаҳри Чкалов вохӯрӣ бо аҳолӣ ва хонандагони синфҳои болоии муассисаҳои таълимии шаҳр дар мавзӯи “Риояи қонун-кафили зиндагии шоиста” доир шуда истодааст.
Гуфта мешавад, ки мулоқоти навбатии масъулин бо сокинони маҳаллаҳои “Сулҳ” ва “Гулистон” дар муассисаи таҳсилоти миёнаи умумии №4-и шаҳр баргузор шуд ва дар он роҷеъ ба масъалаҳои риояи қонунҳои мазкур- исрофкорӣ, пешгирии шомилшавии ҷавонон ба ҳизбу ҳаракатҳои ифротӣ изҳори назар шуд.