Терминали нави ФБД пурра ба фаъолият шурӯъ мекунад
Душанбе, 01.11.2014.(АМИТ «Ховар», Марзия Саидзода).- Интизор меравад, ки 3 ноябр терминали нави «Фурудгоҳи байналмилалии Душанбе» пурра ба фаъолият шурӯъ намояд. Аз ин рӯ, рӯзҳои 1 ва 2 ноябр дар терминал мутахассисон корҳои озмоишию таҷрибавӣ гузаронида, дар ин рӯзҳо кормандони терминали нави «Фурудгоҳи байналмилалии Душанбе» ба мусофирон дар се хатсайр хизмат мерасонанд.
Муҳаммадюсуф Шодиев -масъули бахши матбуоти фурудгоҳи Душанбе мегӯяд, ки ба кор даромадани терминали нав барои кормандони «Фурудгоҳи байналмилалии Душанбе» имтиҳони ҷиддӣ буда, он имкон медиҳад, ки сатҳу сифати хизматрасонӣ ба мусофирон ва ҳавопаймоҳо беҳтар карда шавад. Бояд тазаккур дод, ки терминали нави «Фрудгоҳи байналмилалии Душанбе» дар остонаи ҷашни Истиқлолияти давлатии Ҷумҳурии Тоҷикистон 3 сентябр бо иштироки Президенти ҷумҳурӣ Эмомалӣ Раҳмон ифтитоҳ гардид. Терминали нав дар масоҳати 11 000 метри мураббаъ доман густурда, дар як соат ба 500 нафар ва дар як сол ба 1,5 миллион нафар мусофир хизмат мерасонад.
Терминали замонавии ФБД ҷавобгӯи талаботи Созмони байналмилалии авиатсияи гражданӣ (ICAO-International Civil Aviation Organization) буда, аз ҷониби ширкати фаронсавии «VINCI» бо харҷи 39 миллион евро сохта шудааст, ки беш аз 20 миллион евроро Ҳукумати Ҷумҳурии Тоҷикистон пардохт намудааст. Дар бунёди терминлаи нав, ки сохтмонаш аз моҳи апрели соли 2013 оғоз гардид, дар қатори мутахассисони фаронсавӣ ҳамзамон мутахассисону сохтмончиёни маҳаллӣ саҳми арзанда гузоштаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






