Вохӯрии вазирони корҳои хориҷии Тоҷикистону Чин
Душанбе, 01.11.2014 (АМИТ «Ховар»).- 30 октябри 2014 дар Пекин дар ҳошияи Вохӯрии чоруми вазирони корҳои хориҷии Раванди Истанбул оид ба Афғонистон мулоқоти вазири корҳои хориҷии Ҷумҳурии Тоҷикистон Сироҷидин Аслов бо вазири корҳои хориҷии Ҷумҳурии Халқии Чин Ван И баргузор гардид.
Дар мулоқот ҷонибҳо оид ба масъалаҳои мубрами ҳамкории Тоҷикистону Хитой ва мавзӯъҳои минтақавию байналмилалӣ мубодилаи афкор намуданд.
Ҷонибҳо инчунин масъалаҳои иштироки ҳайати кишварамонро таҳти раҳбарии Президенти Ҷумҳурии Тоҷикистон дар Гуфтугӯи шарикони Форуми ҳамкории иқтисодии кишварҳои Осиё ва Уқёнуси Ором, ки 7-8 ноябри соли ҷорӣ дар Пекин баргузор мегардад, баррасӣ карданд.