Қазоқистон: Озмуни байналмилалии ҳимояи лоиҳаҳои илмӣ

Душанбе, 5.03.2015. (АМИТ “Ховар”, Ситораи Боймурод).- Дар  шаҳри Алмаатои Қазоқистон озмуни байналмилалии ҳимояи лоиҳаҳои илмӣ  аз фанҳои математика ва иқтисодиёт баргузор гардид.
Тавре ки дар ин бора хадамоти матбуоти раиси вилояти Суғд хабар додааст, дар он аз 27 давлати дунё хонандагони мактабҳои таҳсилоти умумӣ иштирок намуданд. 
Гуфта мешавад, ки дар  озмуни байналмилалӣ  6 нафар хонандаи Мактаби президентии шаҳри Чкалов- 2 нафар аз фанни математика ва 4 нафар аз иқтисодиёт ширкат варзид.
Дар ҷамъбасти озмун 2 нафар соҳиби  ҷойҳои  дуюм ва медалҳои нуқра ва 4 нафар  соҳиби ҷойҳои сеюм ва медалҳои биринҷӣ гардид.