Ҳуқуқи оилавии Ҷумҳурии Тоҷикистон

 
Душанбе,06.03.2015. (АМИТ «Ховар», Раъно Нусратуллозода).- Китоби дарсии раиси Суди конститутсионии Ҷумҳурии Тоҷикистон Маҳкам Маҳмудзода ва роҳбари дастгоҳи иҷроияи Президенти Ҷумҳурии Тоҷикистон Бахтиёр Худоёрзода таҳти унвони «Ҳуқуқи оилавии Ҷумҳурии Тоҷикистон» аз чоп баромад.
Китоби «Ҳуқуқи оилавии Ҷумҳурии Тоҷикистон» дар асоси қонунгузории амалкунанда, дастовардҳои навини илми ҳуқуқи оилавӣ ва таҷрибаи судиву байналмилалӣ дар ин соҳа бо назардошти меъёрҳои таълимии давлатӣ омода гардидааст.
Дар китоби мазкур масъалаҳои асосии ҳуқуқи оилавӣ, аз қабили предмет ва методи ҳуқуқи оилавӣ, вазифаҳои он, танзими ҳуқуқии ақди никоҳ, муносибатҳои ҳуқуқи оилавӣ, уҳдадориҳои алиментдиҳӣ, фарзандхонӣ, васояту парасторӣ ва дигар падидаҳои ҳуқуқи оилавӣ бо такя ба санадҳои меъёрии ҳуқуқии танзимкунандаи муносибатҳои оилавӣ дар Ҷумҳурии Тоҷикистон мавриди таҳлил қарор дода шудаанд.
Китоб ба донишҷӯён, аспирантҳо, омӯзгорони факултаи ҳуқуқшиносӣ ва шахсоне, ки ба институтҳои ҳуқуқи оилавӣ ва низоми муосири ҳуқуқи оилавии Ҷумҳурии Тоҷикистон мароқ зоҳир менамоянд, тавсия мешавад.