Бозии «Аҳал» бо «Истиқлол» дар Ашқобод

Март 3, 2015 09:51

Душанбе, 3.03.2015. (АМИТ “Ховар”, Ситораи Боймурод).- Тибқи иттилои сомонаи расмии Федератсияи футболи Тоҷикистон, ҳайати доварони хизматрасони бозиҳои навбатии чемпиони секаратаи Тоҷикистон «Истиқол»-и Душанбе дар марҳилаи гурӯҳии Ҷоми КФО-2015 бо «Аҳал»-и Туркманистон 11-уми март ва бо «Ал-Қадсия»-и Кувайт -уми 18 март маълум шуданд. 
Гуфта мешавад, ки вохӯрии даври дуюми марҳилаи гурӯҳии мусобиқаро байни «Аҳал»-и Туркманистон ва  «Истиқлол»-и Тоҷикистон, ки рӯзи 11-уми март дар Ашқобод доир мешавад, рефери ФИФА Хамис Муҳаммад Ал-Кувайрии 32- сола аз Қатар ҳакамӣ мекунад. Хамис Муҳаммад Ал-Кувайри бозии марҳилаи дуюми ихтисосии Ҷоми КФО — 2015 байни «Хайр» ва «Шайх Рассел»-ро ба ҳайси довари эҳтиётӣ хизматрасонӣ намуда буд. Ӯро дар канори майдон ёвари рефери ФИФА Юсуф Ареф Ал-Шамарии 24 сола аз Қатар ва Алӣ Муҳаммад Аҳмад Ал-Ҳасании 35- сола аз Яман кумак мекунанд. Довари эҳтиётии ин бозӣ рефери 35- солаи ФИФА аз давлати Лубнон Алӣ Реда мебошад. Нозири доварон Исмоил Аднан Исмоил Ал-Хафӣ аз Урдун ва комиссари бозӣ — Қамаруддин Бин Саҳарӣ аз Малайзия ҳастанд.
Бозии даври сеюми мусобиқаро байни «Ал-Қадсия» ва «Истиқлол», ки рӯзи 18-уми март дар Эл-Кувайт доир мешавад, рефери ФИФА аз Урдун Муҳаммад Мусо Халаф Абу Лумуи  41- сола хизматрасонӣ мекунад. Ба сифати доварони канорӣ Лумуро ҳамватанонаш  — Файзал Муҳаммад Аввад Шваир ва  Юсеф Идрис Ҳасан Ал-Ҷарарвах, ки ҳар ду 41- сола ҳастанд, кумак мекунанд. Довари эҳтиётии ин бозӣ рефери ФИФА Масуд Туфайлихи 37- сола аз Сурия мебошад. Нозири доварон Виктор Калпаков аз Қирғизистон ва комиссари вохӯрӣ Мазен Рамадан аз Лубнон таъйин шудаанд.
 

Март 3, 2015 09:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд