Дурнамои ҳамкории JICA бо Тоҷикистон

Душанбе, 5.03.2015. (АМИТ «Ховар», Мавҷуда Анварӣ).-Дурнамои ҳамкориҳои мутақобилан судманд, аз ҷумла баррасии масъалаҳои ҳолат ва дурнамои ҳамкориҳои дуҷониба байни Агентии Ҷопон оид ба ҳамкории байналмилалӣ (JICA) ва Ҷумҳурии Тоҷикистон  дар мулоқоти муовини вазири рушди иқтисод ва савдо Умед Давлатзод бо директори генералии Департаменти кор бо давлатҳои Шарқ ва Осиёи Миёнаи Агентии Ҷопон оид ба ҳамкории байналмилалӣ (JICA) Като Тошинобу, ки 3 март дар шаҳри Душанбе баргузор гардид, мавриди муҳокима қарор гирифт.
Тибқи иттилои Вазорати рушди иқтисод ва савдо зимни вохӯрӣ директори генералии Департаменти кор бо давлатҳои Шарқ ва Осиёи Миёнаи Агентии Ҷопон оид ба ҳамкории байналмилалӣ (JICA) атрофи нақшаю барномаҳо ва татбиқи лоиҳаҳои муштарак аз ҷониби агентии мазкур изҳори ақида карда, пешниҳодҳои мушаххас манзур намуд.