Эътироз ба раъйи мардум хатост!

Март 5, 2015 11:11

  Душанбе, 5.03.2015. (АМИТ «Ховар»).-Албатта, дар давраи истиқлолият калимаи интихобот хеле шинохта шуда, мардум аз моҳияту мазмун ва ҳадафи ин маъракаи сиёсӣ огоҳӣ пайдо карданд. Вале барои пурра дарк кардани нақши интихобот ҳамчун як унсури мардумсолорӣ дар пешбурди сиёсати давлат ҳанўз вақти зиёд даркор аст. 
Аммо маъракаи навбатии сиёсӣ нишон дод, ки мардум аллакай дониши кофии сиёсӣ доранд ва ба ваъдаи пучу холӣ ба  тарафдории ин ё он ҳизб овоз намедиҳанд. Аз рақамҳои овардаи Маркази интихобот ва раъйпурсӣ ин ҳолат пурра маълум гардид, ки тибқи он дар Парлумони кишвар намояндагони 4 ҳизби сиёсӣ-Ҳизби Аграрии Тоҷикистон бо 3 номзад, Ҳизби Ислоҳоти Иқтисодии Тоҷикистон бо 2 номзад, Ҳизби Сотсиалистии Тоҷикистон бо 1 номзад ва Ҳизби Халқии Демократии Тоҷикистон бо 16 номзад аз ҳавзаи ягонаи умумиҷумҳуриявӣ соҳиби курсӣ гаштанд. 
Маҳз рушди  демократия буд, ки ба аҳзоби сиёсӣ имконият дода шуд, то андешаҳои сиёсӣ- ҳизбии худро тарғиб кунанд ва дар интихобот озодона ширкат варзанд.
Дар кишвари мо фаъолият доштани ҳизбҳои сиёсӣ як аломати ҷомеаи демократӣ мебошад. Вале  мақом ва нақш касб кардани ҳизбҳо  дар миёни мардум пеш аз ҳама аз фаъолияти сиёсӣ ва барномаҳои  худи онҳо вобаста мебошад. Дар натиҷаи ҷамъбасти интихобот муайян гардид, ки ҳизбҳои сиёсӣ то кадом андоза боварии мардумро ба даст овардаанд. Ин натиҷа барои ҳама писанд намеояд ва эҳтимол ҳизбҳои ноком даст ба танқиду иғво мезананд. 
Маълум аст, ки агар ҳизб динӣ бошад, дар ин сурат мушкилот пайдо мешавад. Бояд дар назар дошт, ки мусулмон будани аксари мардум ин маънои пайрави ҳизби динӣ будани онҳоро надорад. 
Имрўзҳо коршиносон дар масъалаи зерин назарҳои мухталиф доранд ва аксрият хилофи ҳизб дар ислом ҳастанд. 
Фаъолияти ҳизбҳои динӣ дар тамоми кишварҳои минтақа як мушкилии  калон шудааст, ки баъзан на танҳо вазъи сиёсиро ноором месозад, балки бақои давлатдориро низ зери суол мемонад, зеро дар ниҳоят ҳамаи ин ҳаракатҳо ба бунёди давлати исломӣ кўшиш доранд, ки дар ин низом арзишҳои фарҳангӣ, миллию умумибашарӣ ба инобат гирифта намешаванд. Бинобар ин ифротикунонии андешаи динӣ бо сиёсикунонии андешаҳо пайванд мешавад, то ки низоми сиёсӣ ташкил шавад.  
Намунаи андешамандони низоми сиёсиро метавон Ҳасани Бано, Саид Қутб, Афғонӣ маҳсуб донист, ки тамоюли «эҳёи ислом»-ро бо андешаҳои сиёсӣ пайваст кардаанд.
       Дар раванди маъракаи интихобот маълум гардид, ки фаъолияти ҳизби аграрӣ ва ислоҳоти иқтисодӣ дар ин давра назаррас буд. Муваффақияти ҳизби агарариро метавон дар кишвари аграрӣ будани Тоҷикистон донист. Яъне, барномаи пеш аз интихоботии ин ҳизб ба дарди мардум хўрдааст ва интихоби мардумро интиқод гирифтан хатост. 
Бинобар ин бартарияти барномаи иқтисодӣ нисбат ба андешаҳои динии сиёсишуда амри муқаррарӣ аст ва инро ҳеҷ кас инкор карда наметавонад.  Ин бори дигар собит намуд, ки мардум ба интихоби ояндаи худ диққати ҷиддӣ дода, барои рушду ободӣ ва озодию тараққиёт овоз додаанд.
 
Раиси Шӯрои ҳамоҳангсозии диаспораҳои 
тоҷик дар шаҳри Санкт-Петербург 
Бердов Бахтибек Худойбердиевич

Март 5, 2015 11:11

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд