“Кино ва тамошогар”- иқдоми нави «Тоҷикфилм»

Душанбе, 6.03.2015. (АМИТ «Ховар», Ситораи Боймурод).- Тибқи иттилои Китобхонаи миллии Тоҷикистон дар вилояти Хатлон моҳи марти соли равон  бо ибтикори Киностудияи давлатии «Тоҷикфилм» иқдоми  “Кино ва тамошогар” баргузор мегардад. 
Ба гуфтаи Алишер Собиров,  сардори шуъбаи банақшагирӣ ва истеҳсолоти «Тоҷикфилм» 10 филми истеҳсоли Тоҷикистон  барои сокинони Хатлон намоиш дода мешавад.
Гуфта мешвад, ки филмҳои  маъруфи тоҷикии истеҳсоли замони Шӯравӣ — «Қисмати шоир», «Рустаму Сӯҳроб», «Ҳасани аробакаш», «Марги судхӯр», «Марди мутааллиқи ду зан», «Дарди ишқ», «Ситораҳои сари танӯр», инчунин филмҳое, ки пас аз касби истиқлол ба навор гирифта  шудаанд, ба мисли «Муҷассамаи ишқ», «Қиёми рӯз», «Қош ба қош», «Овора», «Ойинаи беҷило», «Муаллим» ва филми мустанади «Ваҳшати ҷанг» ба намоиш гузошта мешаванд.