Муҳокимаи мубориза бар зидди ҷиноятҳои фаромиллӣ

Март 6, 2015 12:23

Душанбе, 6.03.2015. (АМИТ «Ховар», Мавҷуда Анварӣ).-Дирӯз дар Агентии назорати маводи нашъаовар дар чорчӯбаи “Барномаи минтақавии дастгирии кӯшишҳо оид ба мубориза бар зидди маводи мухаддир дар Афғонистон ва кишварҳои ҳамсоя” вохӯрӣ баргузор гардид, ки дар он мушовири Намояндагии минтақавии Раёсати СММ оид ба маводи нашъаовар ва ҷинояткорӣ оид ба масъалаҳои ҳифзи ҳуқуқ — ҳамоҳангсози зербарнома Юсуф Моллаоғлу, намояндагони ВКХ, АНМН, СҚС КДАМ, Хадамоти гумрук, ВКД, Вазорати адлияи ҶТ иштирок намуданд.
Дар вохӯрӣ масъалаҳои гузаронидани чорабиниҳо дар соҳаи фаъолияти мақомоти ҳифзи ҳуқуқ, ташкил намудани лоиҳаҳои нав дар чорчӯбаи барнома, ки онро Раёсати СММ оид ба маводи нашъаовар ва ҷинояткорӣ барои солҳои 2015-2017 дар Осиёи Марказӣ ба нақша гирифтааст, баррасӣ гардиданд. 
Инчунин нақшаи кории зербарномаи “Барномаи минтақавӣ барои Афғонистон ва кишварҳои ҳамсоя” — “Мубориза бар зидди ҷиноятҳои фаромиллӣ, муомилоти ғайриқонунии маводи нашъаовар ва пешгирии ҷинояткорӣ” муҳокима гардид. 
Зербарнома барои васеъ намудани миқёси нуқтаи назар нисбат ба ҳамкории минтақавӣ, гузаронидани амалиёти муштарак дар минтақа оид ба маводи мухаддир ва прекурсорҳо, мубдилаи иттилоот, мустаҳкам намудани иқтидори мақомоти ҳифзи ҳуқуқ оид ба мубориза бар зидди маводи мухаддир бо роҳи ҳамоҳангсозии фаъолият дар минтақа пешбинӣ шудааст.
Намояндагони мақомоти ҳифзи ҳуқуқ, ки дар вохӯрӣ иштирок намуданд, ба ҳайати Гурӯҳи кории минтақавӣ оид ба ташхиси судӣ ва маводи мухаддир дохил мешаванд. Гузаронидани Ҷаласаи якуми Гурӯҳи корӣ дар моҳи апрели соли ҷорӣ дар шаҳри Алмаатои Ҷумҳурии Қазоқистон ба нақша гирифта шудааст.

Март 6, 2015 12:23

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид