Нашри «Буҷаи давлатӣ ва журналистика»-и Ҷ. Муқим

    Душанбе, 3.03.2015. (АМИТ “Ховар”, Манижаи Баҳромзода).-Дар аввали моҳи март китоби нави профессори кафедраи журналистикаи байналхалқии Донишгоҳи миллии Тоҷикистон Ҷовид Муқим бо номи «Буҷаи давлатӣ ва журналистика» дар нашриёти «Озар» аз чоп баромад. Дастури таълимӣ аз 152 саҳифа иборат буда, он ба нақши давлат дар иқтисодиёти муосир, вазифаҳои иқтисодии давлат, таҳия, баррасӣ ва қабули буҷаи давлатӣ бахшида шудааст. Ҳамчунин дар дастур дар бораи даромаду хароҷоти буҷа, назорати молиявӣ метавон маълумот гирифт.  Муаллиф барои аёнияти мавзӯъҳои баррасишаванда аз матбуоти тоҷик мисолҳои мушаххас овардааст.
Китоби «Буҷаи давлатӣ ва журналистика» барои донишҷӯёни шуъбаву факултаҳои журналистика, ки дар мавзӯи буҷаи давлатӣ мавод менависанд, пешбинӣ шудааст. Ҳамчунин аз он донишҷӯёни факултаҳои иқтисодӣ метавонанд истифода баранд.