Натиҷагирии Даҳсолаи байналмилалии амалиёти «Об барои ҳаёт»
Душанбе, 06.03.2015. (АМИТ «Ховар»).-Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати Ҳукумати Ҷумҳурии Тоҷикистон ҷиҳати баланд бардоштани маърифати экологии аҳолӣ ва ҳавасмандии рўзноманигорон барои ташвиқу тарғиби ҳифзи муҳити зист ва мусоидат ба ҳалли муаммоҳои экологӣ дар байни кормандони васоити ахбори омма таҳти унвони «Натиҷагирии Даҳсолаи байналмилалии амалиёти «Об барои ҳаёт», солҳои 2005-2015» озмун эълон менамояд.
Ба озмун мавод ба забонҳои тоҷикӣ, русӣ ва англисӣ пешниҳод мешаванд. Иштироккунандагони озмун ба комиссияи озмун маълумотномаро, ки дар он ному насаб, суроға, рақами телефон ва маълумот дар бораи дар кадом воситаи ахбори омма чоп гаштани мақола нишон дода шудааст, бояд пешниҳод намоянд. Ба маълумотнома нусхаи мақола, барномаҳои радиоӣ ва телевизионӣ бо диск ва аннотатсияи мавод ба шакли чопӣ дар формати А4, шрифти Times New RomanTj 14 замима мешавад. Нусхаи электронии мавод ба суроғаи электронии eco.info@hifzitabiat.tj ирсол мешавад. Шахсоне, ки дар озмун ғолиб дониста мешаванд, барои гирифтани мукофот ҳуҷҷати худро (шиноснома) пешниҳод намоянд.
Давраи баргузории озмун аз 1 март то 25 августи соли 2015 муқаррар шуда, он дар арафаи иди Истиқлолияти давлатӣ ҷамъбаст мегардад. Ғолибони озмун бо мукофотҳои пулӣ ва ифтихорномаҳои кумита сарфароз гардонида мешаванд.
Телефон барои тамос: 235-44-30








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






