Суғд: Курсҳои омӯзишӣ барои дарёфти рухсатномаи “С”

Душанбе, 4.03.2015. (АМИТ “Ховар”, Ситораи Боймурод).-Дирӯз дар қароргоҳи Федератсияи футболи Суғд (ФФС) курсҳои омӯзишӣ барои дарёфт кардани рухсатномаи “С” оғоз шуд.
Тавре ки дар ин бора хадамоти матбуоти раиси вилояти Суғд хабар додааст, дар семинар Хуршед Ақдодов, муовини аввали раиси Федератсияи футболи вилояти Суғд иштирок намуда, миннатдории худро ба роҳбарияти Федератсияи футболи Тоҷикистон барои ташкили чунин семинарҳо ва дастгирӣ баён намуда, ба ҳамагон комёбиро орзуманд шуд. 
Гуфта мешавад, ки семинарро дастурдеҳи Федератсияи футболи Тоҷикистон Боир Игамбердиев мегузаронад.
Ёдовар мешавем дар ин семинар 27 довталаб иштирок дорад, ки  баъд аз супоридани имтиҳонҳо соҳиби рухсатнома мешаванд.