Вакилони маҷлиси шаҳри Хуҷанд интихоб шуданд
Душанбе, 4.03.2015. (АМИТ «Ховар», Мавҷуда Анварӣ).- Дар шаҳри Хуҷанд натиҷаи интихобот ба Маҷлиси вакилони халқи шаҳри Хуҷанд ҷамбаст гардид. Тибқи маълумоти комиссияи интихоботии шаҳрӣ дар тамоми 40 ҳавза интихобот баргузоршуда ҳисоб гардида, вакилон бо аксарияти овозҳо ба мақоми вакилӣ соҳиб гаштанд.
Аз 40 нафар вакили интихобгардида 35 нафар узви Ҳизби халқии демократии Тоҷикистон, як нафар узви Ҳизби аграрии Тоҷикистон, 2 нафар аз Ҳизби коммунистии Тоҷикистон ва 2 нафар узви Ҳизби ислоҳоти иқтисодии Тоҷикистон мебошад.
Ёдовар мешавем, ки ба мақоми номзад ба вакили шаҳрӣ 81 нафар ба қайд гирифта шуд, ки 54 нафар узви Ҳизби халқӣ-демократии Тоҷикистон, 3 нафар аъзои Ҳизби коммунистии Тоҷикистон, 7 нафар Ҳизби аграрии Тоҷикистон, 16 нафар Ҳизби ислоҳоти иқтисодии Тоҷикистон ва як нафар ғайриҳизбӣ буд.