Фархор: «Оби тоза ва муҳити солим»-озмун

Фархор,14.04.2015. (АМИТ «Ховар», Сулаймони Хол).- Аз ҷониби бахши  муҳити зист ва  шуъбаи маорифи ноҳияи Фархор байни  хонандагони мактабҳои таҳсилоти умумӣ    дар мавзӯи  «Оби тоза ва муҳити солим»  озмун гузаронида шуд. Озмун  аз 9 шарт, аз ҷумла аз қироати шеърҳо дар бораи об, нақли ҳикояҳо оид ба    тарзи  дурусти  истифодаи об   дар ҳолати зарурӣ  ва аҳамияти он барои инсон  ва кашидани расмҳо дар васфи табиат иборат мебошад. 
Ба гуфти роҳбари бахши муҳити зисти ноҳия   Аҳлиддин  Ҳаитов   мақсад аз  ташкили озмун тоза нигоҳ доштани  сатҳи экологии кӯчаю маҳаллаҳо, нигоҳубин кардан ва осеб нарасонидан ба паррандагон, ҳифзи  манзараҳои табиат, бераҳмона набуридани дарахтон  ва дигар омилҳое, ки ба муҳити зист  маҳсуб мебошанд, аз тариқи саволу ҷавоб  ҷараён  мегирад.