Чеварони наврас

 Душанбе, 04.05.2015. (АМИТ  «Ховар», Лайло Тоирӣ).- Тибқи нақшаи чорабиниҳои Вазорати маориф ва илми Ҷумҳурии Тоҷикистон дар Маркази ҷумҳуриявии муассисаҳои таҳсилоти иловагии назди Вазорати маориф ва илм 30 апрели соли равон озмуни ҷумҳуриявии «Чевари гулдаст» доир гардид, ки дар он намояндагони тамоми минтақаҳои ҷумҳурӣ ширкат варзиданд.
Сардовари озмун Амина Мансурова, корманди Кумитаи кор бо занон ва оилаи назди Ҳукумати Ҷумҳурии Тоҷикистон маҳорату истеъдоди чеварони наврасро баҳогузорӣ намуда, гуфт, ки ҳамаи чеварон маҳорати баланд нишон дода, дар оянда маҳорати хешро боз ҳам сайқал хоҳанд  дод ва  расму русум ва ойинҳои миллиро бо шаҳомати хосса эҳё менамоянд.
Дар ин бора ба АМИТ «Ховар « аз Кумитаи кор бо занон ва оила иттилоъ доданд.