Дар Панҷ 300 сарбоз савганд ёд кард

Душанбе, 04.05.2015. (АМИТ «Ховар»,  Муқаддас  Темурзода).- 30  апрел  дар  маркази таълимии Ҳалқаёри қӯшунҳои  сарҳадии  Кумитаи давлатии амнияти миллии ҶТ,  воқеъ дар  ноҳияи  Панҷ беш  аз 300  нафар  сарбозон  савганд  ёд  карданд. 
Дар  ин  маросим фармондеҳи қӯшунҳои  сарҳадии КДАМ ҶТ Раҷабалӣ  Раҳмоналӣ,  сафири  ИМА дар  Тоҷикистон  Сюзан Эллиот,  ҳамчунин  намояндаи  Созмони  байналмилалии муҳоҷират  дар  ҶТ Гайма  Курт ширкат  доштанд.
Баъди  маросими  савганд  бинои  нави  таълимии  сарҳадбонон, ки  бо таҷҳизоти  муосир таъмин  аст,  мавриди  истифода  қарор  гирифт. 
Дар  ин  бора  сардори маркази  матбуоти қӯшунҳои  сарҳадии КДАМ ҶТ Муҳаммад  Улуғхоҷаев ба  АМИТ «Ховар»  хабар  дод.