Амалиёти бераҳмонаи террористӣ дар пойтахти Яман

Душанбе, 30.06.15. (АМИТ «Ховар»). —  Дар  пойтахти  Яман  шаҳри  Санъо  амалиёти террористӣ  рух дод: силоҳбадастон  дар  назди  дармонгоҳи  ҳарбӣ мошинеро таркониданд. Мувофиқи  маълумоти  охирин, бар  асари ин  ҳодиса,  35  нафар,  асосан   занону  кӯдакон  ҳалок гардиданд.. 
Масъулияти таркишро  гурӯҳи ифротии «Давлати  исломӣ»  ба дӯши  худ  гирифтааст. Тибқи маълумоти Агентии  «Франс  Пресс»,  манзили  ду бародар, роҳбарони гурӯҳи  шӯришгарони  ҳусӣ ҳадафи  ин  хамла қарор гирифта буд.
Аз ин  пеш,  26  июн,  дар  корхонаи  тавлиди газҳои  саноатии  Фаронса  таркиш  рух дода буд. Террористе, ки  бо  парчами  ифротиёни  исломӣ вориди  корхона  шуда буд,  ба даст афтид. Ҳангоми  таркиш чанд  нафар  захмдор шудаанд, ки теъдоди онҳо  муайян  карда  мешавад.