Боздиди А. Иброҳим аз рафти корҳои сохтмонии шаҳраки навбунёди Дарбанд

Душанбе, 30.06.2015. (АМИТ «Ховар»). — Муовини  Сарвазири  мамалакат  Азим Иброҳим бо рафти  корҳои сохтмонию  барқарорсозӣ ва  ободонӣ  дар шаҳраки  навбунёди  Дарбанди  ноҳияи  Нуробод шинос шуд. 
Шаҳраки Дарбанд, барои  аз минтақаи зериобшаванда  кӯчонидани аҳолӣ  ва  маркази маъмурии  ноҳия  пешбинӣ шуда, дар масоҳати 42 гектар бунёд мегардад. То ҳол дар шаҳрак зиёда аз 16 биною иншооти гуногуни вазорату идораҳои ҷумҳуриявӣ  бунёд  гардида,  фаъолияти  босамар  доранд. 
 Дар  ҷаласаи  ситоди  сайёри корӣ  муовини Сарвазир аз фаъолияти  рӯзмарраи вазоратҳои саноат ва технологияҳои  нав,  кишоварзӣ,  Кумитаи ҳифзи муҳити зист, Муассисаи давлатии «Мудирияти зериобшавандаи НБО-и «Роғун»» ва мақомоти иҷроияи маҳалии ҳокимияти давлатии ноҳияи Нуробод вобаста ба иҷрои  корҳои бунёди иншооту биноҳои маъмурию хизматӣ  изҳори  қаноатмандӣ   намуд. 
Дар ҷаласа барои иҷрои босифат ва саривақтии  корҳои сохтмонию  барқарорсозии иншоот ва муассисаҳои  зертобеъ  роҳбарияти  вазоратҳои нақлиёт, маориф ва илм, тандурустӣ ва ҳифзи иҷтмимоӣ, Кумитаи  давлатии идораи замин ва геодезӣ, кумитаҳои  меъморӣ ва сохтмон, ҳифзи муҳити зист, Агентии хоҷагии ҷангал, ШСХК «Барқи Тоҷик», Раёсати «Тоҷикматлубот» ва КВД «Хоҷагии манзилию коммуналӣ» вазифадор карда шуданд.