Дастури Каримзода Т. ҷиҳати ҳамкорӣ бо ҶДММ «Хонаи умед»
Душанбе, 30.06.2015. (АМИТ «Ховар», Лайло Тоирӣ).- Раёсати Хадамоти муҳоҷират дар шаҳри Душанбе ба раисони ноҳияҳои пойтахт ва раисони шаҳраку маҳаллаҳо мактуб ирсол намуд, ки муҳоҷирони меҳнатиро минбаъд барои гирифтани сертификати забони русӣ ба ҶДММ «Хонаи умед» роҳнамоӣ кунанд.
Тибқи супориши сардори Хадамоти муҳоҷират Каримзода Тоҳир ҷиҳати ҳамкорӣ бо ҶДММ «Хонаи умед» барои гирифтани сертификати забони русӣ ба масъулини Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар шаҳри Душанбе дастур дода шуд.
Бино ба иттилои сухангӯи Хадамоти муҳоҷират Абдуллоҳи Қодирӣ, дар айни замон аз ҷониби Раёсати Хадамоти муҳоҷират 1000 адад роҳхат омода шуда, байни муҳоҷирони меҳнатӣ тақсим мешавад. Дар роҳхатҳо муҳлати гирифтани сертификат, суроға ва телефонҳои ҶДММ «Хонаи умед» нишон дода шудааст.
Дар самти гирифтани сертификати забони русӣ ва мусоидат ба муҳоҷирони меҳнатие, ки вуруди дубораашон ба қаламрави Федератсияи Русия муваққатан манъ шудааст, ҳамкорӣ бо ҶДММ «Хонаи умед» идома доранд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
