«Дурахшон»-макони солимгардонии кӯдакон дар Файзобод

Файзобод, 30.06.2015. (АМИТ «Ховар»,Субҳониддини Маҳмуд).-Барои  истироҳатгоҳи «Дурахшон»  аз ҳисоби буҷаи ноҳияи Файзобод дар соли 2015  170 ҳазору 275  сомонӣ  маблағ ҷудо гардид, ки аз ин ҳисоб  122 ҳазору 960 сомонӣ барои хароҷоти мол, хизматрасонӣ ва хариди таҷҳизот пешбинӣ гардидааст.      Дар ин бора   Ҷунайдулло Холов, сардори истироҳатгоҳи «Дурахшон»- и ноҳияи Файзобод хабар дод.
Дар ноҳия  ситоди ноҳиявии » Тобистон-2015 » ташкил гардида, истироҳатгоҳи кӯдаконаи ноҳия «Дурахшон»  таъмир ва навсозӣ шуд.  Дар он барои таълиму тарбия ва истироҳату фароғати кӯдакон  шароити беҳтар  фароҳам оварда шудааст.                                                                                                                                                                                                                Инчунин бо мақсади дуруст  ва дар сатҳи баланд ташкил намудани  истироҳати тобистона ва солимгардонии кӯдакон ва наврасон истироҳатгоҳ бо асбобҳои техникӣ,  компютер, телевизор, магнитофон,  асбобҳои кинонамоишдиҳӣ таъмин мебошад. Дар айни ҳол 121 нафар кӯдак дар истироҳатгоҳи «Дурахшон»   ба тарбия ва истироҳату фароғат фаро гирифта шудааст.