70 донишҷӯ ройгон забони чинӣ меомӯзад
Хуҷанд, 29.07.2015. (АМИТ «Ховар», Андар Раҳмонӣ).- Дар Маркази забону фарҳанги чинии Донишкадаи иқтисод ва савдои Донишгоҳи давлатии тиҷорати Тоҷикистон 70 донишҷӯи фаъоли донишкада ба тариқи ройгон ба омӯзиши забони чинӣ фаро гирифта шуд. Дар ин бора директори донишкада, доктори илмҳои иқтисодӣ Иномҷон Аминов зимни нишасти хабарие, ки имрӯз, 29 июл доир гардид, иттилоъ дод.
Директори Донишкадаи иқтисод ва савдои шаҳри Хуҷанд мегӯяд, ки Маркази забону фарҳанги чинӣ бо мақсади иҷрои дастуру супоришоти Сарвари давлат оид ба тайёр кардани мутахассисони баландихтисос ва донандаи се — чор забони хориҷӣ ифтитоҳ шудааст.
Ба иттилои Иномҷон Аминов, бо мусоидати сафири Ҷумҳурии Тоҷикистон дар Чин Рашид Олимов ва Маркази Конфутсийи Ҷумҳурии Мардумии Чин як омӯзгори чинӣ — Ян Сяоюй барои омӯзонидани забони чинӣ ба донишкада омадааст ва аз оғози соли равон ба донишҷӯён забони чинӣ меомӯзонад.
Зимнан, Донишкадаи иқтисод ва савдо муассисаи олии кишвар буда, аз нигоҳи дастрасӣ ба технологияҳои муосир ба натиҷаҳои назаррас ноил гардидааст. Донишкада аз ҷиҳати пояи моддиву техникӣ дар миқёси ҷумҳурӣ аз беҳтаринҳо буда, дорои 550 компютери ба шабакаи баландсуръати интернет пайваст, синфхонаи интернетӣ бо 50 компютери замонавӣ ва китобхонаи электронии муҷаҳҳаз бо 30 компютер бо фарогирии 50 ҳазор китобу дастури таълимӣ ва 17 тахтаи электронӣ аст. Инчунин ҳамаи кафедраҳо бо проектору ноутбукҳо таъминанд, ки ин ба гузаштани дарсҳо ба таври электронӣ мусоидат мекунад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






