9,6 дарсад зиёд шудани ҳаҷми истеҳсоли алюминий дар шаш моҳ

Душанбе, 29.07.2015 (АМИТ «Ховар», Фарзонаи Давлат).-Дар нимсолаи аввали соли ҷорӣ ҳаҷми истеҳсоли алюминий 64 ҳазор тоннаро ташкил дод, ки нисбат ба соли гузашта 9,6 дарсад зиёд мебошад. Дар ин бора вазири рушди иқтисод ва савдои Тоҷикистон Неъматулло Ҳикматуллозода имрӯз зимни ҷамъбасти фаъолияти нимсолаи вазорат иттилоъ дод.
Ба гуфтаи Ҳикматуллозода, дар назар аст ин нишондод то охири сол дар ҳамбастагӣ бо нақшаи чорабиниҳои корхонаи истеҳсолӣ афзоиш ёбад. Ҳамчунин ӯ гуфт, бо назардошти нақшаҳои пешбинигардида дар ҳамбастагӣ бо корхона дар соли оянда ҳаҷми истеҳсоли алюминий то ба 190 ҳазор тонна ва дар соли 2017 ба 270 ҳазор тонна расонида шавад, яъне ҳар сол 20-25 алюминий дарсад зиёд истеҳсол карда хоҳад шуд.