Афзоиши истеҳсоли маҳсулоти саноатӣ дар нимсолаи аввал

Июль 23, 2015 10:37

Душанбе, 23.07.2015 (АМИТ «Ховар», Фарзонаи Давлат).-Ҳаҷми истеҳсоли маҳсулоти саноатӣ дар Тоҷикистон дар нимсолаи якуми соли 2015  5 млрд. 415,5 млн. сомониро ташкил дода, суръати афзоиш дар миқёси ҷумҳурӣ нисбат ба ҳамин давраи гузашта ба 114,2 дарсад баробар шуда, афзоиш дар 6 моҳ 860,9 млн. сомониро ташкил дод. 
Тавре ки дар ин бора дар ҷамъбасти фаъолияти нимсолаи Вазорати саноат ва технологияҳои нави кишвар иттилоъ дода шуд, дар саноати истихроҷ дар нимсолаи аввали соли равон ба маблағи 683,3 млн. сомонӣ (12,6%-и маҳсулоти саноатии ҷумҳурӣ)  ва дар саноати коркард ба маблағи 3 млрд. 379,2 млн. сомонӣ (62,4%-и маҳсулоти саноатии ҷумҳурӣ) маҳсулот истеҳсол гардидааст. 
-Аз рўи нишондиҳандаҳо дар нимсолаи якуми соли 2015 афзоиши ҳаҷми истеҳсоли маҳсулот дар соҳаҳо таъмин гардида, дар саноати ангишт 106,3%, саноати маъдани кўҳӣ 148,7%, саноати масолеҳи сохтмон 139,9%, саноати сабук 100,5%, саноати мошинсозӣ 134,9%-ро ташкил додааст,- зикр гардид имрӯз, 23-уми июл дар нишасти матбуотии вазорат.

Июль 23, 2015 10:37

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд