Агентии суғуртаи иҷтимоӣ ва нафақа фаъолияти нимсолаашро натиҷагирӣ кард
Душанбе, 11.07.2015. (АМИТ «Ховар», Раъно Нусратуллозода).-Дирӯз дар Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ҷаласаи мушовараи агентӣ аз рӯи ҷамъбасти фаъолияти нимсолаи якуми соли 2015 доир гардид.
Оид ба натиҷаи фаъолияти агентӣ дар нимсолаи аввали соли ҷорӣ муовини якуми директори агентӣ Назокат Одиназода маърӯзаи ҳисоботӣ намуд.
Директори Агентӣ Сафаралӣ Наҷмудинов дар мавриди ҳалли масоили ҷамъбасти нимсолаи якуми соли 2015 ва вазифаҳо барои нимсолаи дуюми соли 2015, аз ҷумла иҷрои нақшаи андози иҷтимоӣ барои пардохти саривақтии нафақа, таҳлили дурусти талаботи нафақа, шаффофияти таъйини нафақа, бартараф намудани қарзи андози иҷтимоии инфиродӣ, ба роҳ мондани ҳамкории судбахш бо мақомоти андоз, оҷонсиҳои Бонки давлатии амонатгузории Ҷумҳурии Тоҷикистон «Амонатбонк» ба масъулини соҳа дастуру супоришҳои мушаххас дод.
Дар кори ҷаласа муовини сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон З.Сангов ва намояндагони Вазорати молияи Ҷумҳурии Тоҷикистон, Бонки давлатии амонатгузории Ҷумҳурии Тоҷикистон «Амонатбонк», Кумитаи андози назди Ҳукумати Ҷумҳурии Тоҷикистон ширкат намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






