Ҷаласаи Кумитаи интизоми ФФТ доир шуд

Июль 4, 2015 06:43

Душанбе, 04.07.2015,(АМИТ «Ховар»  Меҳрони  Қурбон).-Дирӯз дар  маҷлисгоҳи Федератсияи футболи Тоҷикистон ҷаласаи навбатии Кумитаи интизом баргузор гардида, дар он қарорҳои зерин қабул шуданд: 
Барои дар бозии чемпионати Тоҷикистон байни дастаҳои лигаи олӣ «Парвоз» — «Хайр» (28 июн) риоя накардани банди 32-и боби 7-и Кодекси интизоми ФФТ (кӯшиши расонидани таъсири ҷисмонӣ ба довар) бозингари дастаи «Парвоз» Маъруф Марифбоев аз ҳуқуқи дар се бозии навбатии даста иштирок кардан маҳрум карда шуда, ба маблағи 1000 (ҳазор) сомонӣ ҷарима баста шавад. Хотиррасон  менамоем, ки дар бозии  дигари чемпионати Тоҷикистон байни дастаҳои лигаи олӣ «Хуҷанд» — «Барқи тоҷик» (27 июн) барои риоя накардани банди 18-и боби 7-и Кодекси интизоми ФФТ (таҳқири сардовари бозӣ), бозингари дастаи «Барқи тоҷик» Ҳокимҷон Ҳасанов аз ҳуқуқи дар се бозии навбатии даста иштирок кардан маҳрум шуда, ба маблағи 300 (сесад) сомонӣ ҷарима баста шуд.
Бояд  гуфт, ки дар бозии лигаи якуми Тоҷикистон байни дастаҳои «Зарафшон» — «Локомотив» (26 июн) барои риоя накардани банди 3-и боби 7-и Кодекси интизоми ФФТ (дар як бозӣ ду маротиба бо корти зард огоҳонида шудан), бозингари дастаи «Зарафшон» Хайём Усмонов аз ҳуқуқи дар як бозии навбатии даста иштирок кардан маҳрум карда шуда, ба маблағи 300 (сесад) сомонӣ ҷарима баста шавад. Ёдовар  мешавем, ки  дар бозии дигари  лигаи якуми Тоҷикистон байни дастаҳои «Кӯктош» — «Эсхата» (28 июн) барои  риоя накардани банди 33-и боби 7-и Кодекси интизоми ФФТ (баъд аз анҷоми бозӣ бо шатта задани ёвари сардоварӣ вохӯрӣ) бозингари дастаи «Кӯктош» Равшан Содиров аз ҳуқуқи иштирок дар даҳ бозии навбатии даста маҳрум карда шуда, ба маблағи 1000 (ҳазор) сомонӣ ҷарима баста мешавад.

Июль 4, 2015 06:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд