Ҳалокати ду ноболиғ дар садама

Душанбе, 29.07.2015 (АМИТ «Ховар», Лайло Тоирӣ),- Ронандаи  мошини  тамғаи “Opel-astra”, сокини 31-солаи Истаравшан 28 июл  тахминан соати 15:30 ҳангоми ҳаракат дар кӯчаи Ленини шаҳри Истаравшан, дар рӯ ба рӯи бозори марказӣ, бехатарии ҳаракати роҳро таъмин карда натавониста, пиёдагарди ноболиғ,  сокини 12-солаи ҳамин шаҳрро пахш намудааст. 
Дар натиҷа ноболиғ ҷароҳати вазнини ҷисмонӣ бардошта, дар беморхона ба ҳалокат расидааст.
Дар ин рӯз ҳамчунин ронандаи мошини “ Opel-astra ”, сокини 23-солаи шаҳри Хуҷанд ҳангоми ҳаракат дар ҳудуди ҷамоати деҳоти Унҷии ноҳияи Б.Ғафуров бехатарии ҳаракат дар роҳро таъмин карда натавониста, писарчаи 9-солаи сокини ҷамоати мазкурро пахш намудааст. Дар натиҷа ноболиғ, ҷароҳати вазнини ҷисмонӣ бардошта, дар беморхона ба ҳалокат расидааст.