Ҷамоати Ҳиҷборак аввалин шуда нақшаи пилларо иҷро кард

Рашт, 07.07.2015. (АМИТ «Ховар», Субҳониддини Маҳмуд).-Пиллапарварони ноҳияи Рашт то имрӯз  22 тоннаю 665 кило пилла ҷамъоварӣ намуда,  нақшаи пешбинишударо  108 фоиз  ичро карданд. Мутахассисони корхонаи пиллахушккунии ноҳия нақша доштанд, ки 21 тонна пилла ҷамъоварӣ кунанд. 
Ба иттилои роҳбари Корхонаи пиллахушккунии ноҳия Фатҳуддин Саймаҳмадов  онҳо имсол навъи тухми чиниро истифода карда, аз 18 грамм  кирмак  ба ҳисоби миёна  35 килограмм  ҳосил гирифтанд.   Ҷамоати деҳоти Ҳиҷборак, ки 25 куттии 18 граммаи кирмак дошт, аввалин шуда аз он 1332 килограмм  пилла супорид. Яъне аз як  қуттии кирмак 53 килограмм  пилла ҷамъоварӣ шуд.  Ҳамчунин ҷамоатҳои Оби меҳнат ва Ҳойит  аз ҷумлаи аввалинҳо буданд, ки соҳиби қадрдонӣ ва туҳфаҳои хотиравӣ гардиданд.                                                                                                Тибқи иттилои манбаъ масъулини Корхонаи  пиллахушккунии ноҳия имсол ҳар як килограмм пилларо бо маблағи 9 сомонӣ аз пиллапарварон хариданд.