Ҳавои ғуборолуд то фардо боқӣ мемонад

Душанбе, 14.07.2015.(АМИТ «Ховар», Марзия Саидзода).- Ҳавои ғуборолуд ва абрҳои даргузар, ки шурӯъ аз шаби гузашта аз қисмати ҷанубу шарқии кишвар аз биёбонҳои Туркманистон ба ҷумҳурӣ ворид гардидаанд, то фардо боқӣ мемонанд.
       Фардо,-мегӯяд Сайёра Навҷувонова, мутахассиси идораи обуҳавошиносии кишвар,- ҳарорати ҳаво дар вилояти Хатлон шабона 20-26, рӯзона 38-43  дараҷа гарм, дар вилояти Суғд шабона 19 -24,  рӯзона 36-41 дараҷа гарм мешавад. Дар кӯҳҳои вилояти Суғд ҳарорати ҳаво  шабона  9-14,  рӯзона 28-33 дараҷа гарм хоҳад шуд. Дар ноҳияҳои тобеи марказ ҳарорати ҳаво шабона  18-23 ва рӯзона 36-41 дараҷа гарм, дар кӯҳҳо шабона 14-19 ва рӯзона 28-33 дараҷа гарм мешавад. Дар шарқи Вилояти Мухтори Кӯҳистони Бадахшон шабона 3-8. рӯзона 18-23 ва дар ғарби ҳамин вилоят шабона 13-18  ва рӯзона 31-36 дараҷа гарм мешавад. Пагоҳ ҳарорати ҳавои пойтахти кишвар шабона 19-21 ва рӯзона 39-41 дараҷа гарм мешавад. Дирӯз, 13 июл ақрабаки ҳароратсанҷ ҳавои Душанберо дар марзи  аз 40 боло — 40 -42 дараҷа гармӣ нишон дод. Имрӯз ҳавои  Душанбе   37-39 дараҷа гарм мешавад.