Аъзои ДИИШ даст ба одамсӯзӣ задаанд

Душанбе, 24.07.2015. (АМИТ «Ховар», Тоҷиддин Аҳмадзода)-Террористҳои навҷавони ДИИШ 9 нафарро дар шаҳри Мавсил сӯзонданд. Тибқи иттилои манбаъҳои маҳаллӣ, навҷавонони ДИИШ қурбониёнро рӯзи чоршанбе дар маҳалли Боб-ат-Туби Ироқ дар маркази шаҳр ба қатл расониданд. Ба гузориши Ас-Сумирия Нюс, қурбониён, ки ҳамагӣ мард буданд, ба туҳмати ҷосусӣ ва ҳамкорӣ бо неруҳои давлатӣ сӯзонида шуданд. Гузоришҳои расонаҳои ироқӣ шаҳодат аз он медиҳанд, ки террористҳои ДИИШ як хабарнигорро низ дар Мавсил қатл карданд. Акрам Сулаймон, сарпарасти иттиҳоди рӯзноманигорони Курдистони Ироқ дар Мусал гуфт, ки террористҳо Ҷало Аднонро дар рӯзи иди Фитр куштанд.