Аъзои палатаи болоии Парлумон қонунҳои конститусиониро баррасӣ менамоянд

      Душанбе, 07.07.2015.(АМИТ «Ховар», Марзия Саидзода).-21 июл дар шаҳри Душанбе иҷлосияи дуюми Маҷлиси миллии Маҷлиси Олии Ҷумҳурии Тоҷикистон даъвати панҷум баргузор мегардад. Дар ин хусус  Маҳмадсаид Убайдуллоев -раиси палатаи болоии Парлумони мамлакат қарори марбута ба имзо расонд.
      Интизор меравад, ки дар иҷлосия аъзои Маҷлиси миллӣ Қонуни конститутсионии Ҷумҳурии Тоҷикистон «Дар бораи шаҳрвандии Ҷумҳурии Тоҷикистон», оид ба ворид намудани тағйиру иловаҳо ба қонунҳои конститутсионии Ҷумҳурии Тоҷикистон «Дар бораи  Суди конститутсионии Ҷумҳурии Тоҷикистон», «Дар бораи судҳои Ҷумҳурии Тоҷикистон»-ро баррасӣ хоҳанд кард.
       Ҳамзамон дар иҷлосия баррасии масъалаи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон ва ба Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» ва дигар масоили марбут ба ҳаёти сиёсию иқтисодӣ ва иҷтимоию фарҳангии кишвар  дар назар аст.