«Барқи Тоҷик»: Агентии беҳдошти замин ва обёрӣ қарзҳои худро пардохт накардааст

Душанбе, 28.07.2015 (АМИТ «Ховар, Акрам Ҳаитов).-«Ширкати саҳҳомии холдингии кушодаи «Барқи Тоҷик» дар давоми 6 моҳи соли равон 771, 2 млн. сомонӣ маблағ аз ҳисоби фурӯши неруи барқ ҷамъоварӣ намудааст, ки ин зиёда аз 92 фоизи маблағҳои ҳисобшударо ташкил дода, нисбат ба ҳамин давраи соли гузашта 229,7 млн.сомонӣ зиёд аст». Ин матлаб аз тарафи роҳбарияти ШСХК «Барқи тоҷик» дар нишасти матбуотӣ барои журналистони ватаниву хориҷӣ имрӯз садо дод.
Дар 6 моҳи соли 2015 корхонаҳои Агентии беҳдошти замин ва обёрӣ ба маблағи 13,8 млн.сомонӣ неруи барқро истифода намуда, пардохти онро ҳамагӣ  ба маблағи 1 млн. сомонӣ (7,2%) таъмин намудаанд, ки ин ба вазъи молиявии ширкати «Барқи тоҷик» таъсири манфӣ мерасонад, — гуфта шуд дар нишасти матбуотӣ