«Барқи Тоҷик»: қарзи осебдидагонро мебахшем!

Июль 28, 2015 12:22

       Душанбе, 28.07.2015 (АМИТ «Ховар, Манижа Баҳромзода).- Ширкати “Барқи тоҷик” мегӯяд, қарзи хонаводаҳоеро, ки аз селфароиҳои охир дар кишвар зарар дидаанд, мебахшанд.
       Ҷамшед Бобозода, муовини аввали раиси ширкати «Барқи тоҷик» зарари обхезиҳои вақтҳои охирро ба деҳаҳои ВМКБ, ноҳияи Рашт ва дигар ноҳияҳои вилояти Суғд фоҷиаи гарон номида, аз ҷумла гуфт, ки  барои таъмини ин оилаҳо бо барқ  кумаки худро расониданд: «Нисбат ба ду деҳае, ки  дар ноҳияи  Рашт зери об монданду мо аз ин ҷо он масолеҳу  таҷҳизоти лозимиро равон кардем,  дар шабонарӯзи якум мо 40%-и аҳолиро бо барқ таъмин  кардем ва дар рӯзи дуюм қариб 96%-и аҳолиро бо барқ  таъмин кардем»,-иброз дошт муовини аввали раиси ширкати «Барқи тоҷик». Ба гуфтаи мавсуф бо супориши Президенти кишвар дар он заминҳое, ки дар ноҳияи Рашт барои осебдидагони офати табиӣ ҷудо шудаанд,  аллакай ду трансформатор насб шуда, хати барқ расонида шуд ва дар сурати тасдиқи нақшаи маҳал хатҳои барқии 04-ро ба аҳолии зарардида бурда мерасонанд. «Он  хонаҳое, ки зарар дидаанд, мумкин ки  мо қарзҳои қаблиашонро мебахшем»,-илова  намуд  Ҷамшед Бобозода.
        Масъулини ширкати «Барқи тоҷик» дар мавриди мушкилоти таъмини барқ ба осебдидагони  вилояти Бадахшон гуфтанд,  ки феълан якҷоя бо ширкати “Помир Энержӣ” барои бартараф кардани оқибатҳои офатҳои табиӣ ва таъмини дастрасии осебдидаҳо ба неруи барқ кор бурда истодаанд. 

 

Июль 28, 2015 12:22

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид