Бархурди “Opel-vektra” ба “Opel Astra” ва ҳалокати 4 нафар

Июль 1, 2015 10:44

Душанбе, 01.07.2015. (АМИТ  «Ховар», Лайло Тоирӣ).- Сокини  ноҳияи Балҷувон, ронандаи  мошини  тамғаи “Opel-vektra”29 июн ҳангоми ҳаракат аз шаҳри Турсунзода ба самти шаҳри Душанбе, дар ҳудуди ҷамоати Чоряккорони ноҳияи Рӯдакӣ аз уҳдаи идораи мошин набаромада, ба мошини тамғаи “Opel Astra”, таҳти идораи сокини ш. Турсунзода бархурд. Дар натиҷа, ронандаи мошини тамғаи “ Opel-vektra ” ва мусофирони мошини мазкур: зани 26-сола, писарчаи хурдсоли 1-сола, сокинони ноҳияи Балҷувон, духтарчаи 3-солаи сокини ноҳияи Рӯдакӣ ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд. Мусофирони дигари ҳамин мошин: духтарчаи 4-солаи сокини ноҳияи Балҷувон ва марди 27-солаи сокини ноҳияи Рӯдакӣ, инчунин ронандаи мошини тамғаи “Opel-astra” ва ду шаҳрванди Ҷумҳурии Финляндия, марди 44-сола ва зани 34-сола ҷароҳатҳои гуногуни ҷисмонӣ бардошта, дар беморхона бистарӣ гаштаанд.
Бино ба иттилои хадамоти матбуоти ВКД 30 июн ронандаи мошини тамғаи “Опел-Астра”, марди 38-солаи сокини ноҳияи Қумсангир, ҳангоми ҳаракат аз самти ноҳияи Ҷ.Румӣ ба самти шаҳри Қурғонтеппа, дар ҳудуди деҳаи Маданияти ноҳияи Бохтар бехатарии ҳаракат дар роҳро таъмин карда натавониста, ба мошини тамғаи “Porter”, таҳти идораи ронанда, марди 34-солаи сокини ноҳияи Ҷ.Румӣ бархурдааст. Дар натиҷа мусофири мошини  тамғаи “ Opel-astra ” писарчаи 7-солаи сокини ноҳия Бохтар ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Ронандагони хар ду мошин ва мусофирони мошини тамғаи “ Opel-astra”, ҷароҳати ҷисмонӣ бардошта, дар беморхона бистарӣ гаштаанд.    

Июль 1, 2015 10:44

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд