Барои мусофирони қатораҳо сабукиҳо дода шудаанд

Душанбе, 21.07.2015. (АМИТ «Ховар», Лайло Тоирӣ).-  Барои мусофирони қатораҳои роҳи оҳани Тоҷикистон 30% ва дар асоси созишномаи байни маъмурияти роҳҳои оҳани Тоҷикистон, Қирғизистону Русия ба мусофироне, ки пешакӣ чипта мехаранд, сабукӣ дода шудааст. Аз ҷумла, ба нафароне, ки аз 31 то 45 рӯз пештар чипта мехаранд, 40 %, аз 21 то 30 рӯз 30 %, аз 11 то 20 рӯз 20 % ва аз 6 то 10 рӯз 15 % нархи чиптаҳо арзон фурӯхта мешаванд. 
Дар ин бора муовини  аввали сардори КВД «Роҳи оҳани Тоҷикистон» Баҳром Шодиев иттилоъ дод. 
Дар давоми нимсолаи якум аз тариқи қатора 198,1 ҳазор мусофир сафар намудааст, ки нисбат ба ҳамин давраи соли 2014 -10,7 ҳазор мусофир кам мебошад.