Бунёди 671 гектар ҷангалзори нав дар кишвар

Июль 21, 2015 10:48

Душанбе, 21.07.2015. (АМИТ “Ховар”, М. Темурзода).-“Дар нимсолаи аввали соли ҷорӣ аз ҷониби кормандони Агентии хоҷагии ҷангали назди Ҳукумати Ҷумҳурии Тоҷикистон ва ташкилоту муассисаҳои он  дар шоҳроҳҳои Душанбе — Ваҳдат — Кўлоб, Душанбе — Хуҷанд, Душанбе — Қӯрғонтеппа ба миқдори  6,2  ҳазор бех ниҳоли сояафкану ороишӣ шинонда шуд, ки дар айни замон сабзиши онҳо мӯътадил буда, нигоҳубини онҳо аз ҷониби кормандони ҷангал ба роҳ монда шудааст”,- изҳор дошт Исматзода Азизулло Убайдулло, директори Агентии хоҷагии ҷангали назди Ҳукумати Ҷумҳурии Тоҷикистон имрӯз зимни нишасти матбуотӣ ба хабарнигорон.
          А. Исматзода ҳамчунин зикр намуд, ки дар Муассисаи давлатии хоҷагиҳои ҷангал ва корхонаҳои воҳиди давлатии хоҷагиҳои ниҳолпарварии низоми  агентӣ ҷиҳати бунёду барқарорсозӣ, нигоҳубини ҷангал, аз ҷумла бунёди майдонҳои сафедор, хуч, писта, чормағз, ҳифзу муҳофизати ҷангал аз сўхтор ва ҳашароти зараррасон, пешгирии вайронкунии қонуни ҷангал корҳои муайян амалӣ мешаванд.
        Доир ба масъалаи бунёд ва барқароркунии ҷангалҳо дар  низоми  агентӣ ба миқдори  671 гектар ҷангалзори нав бунёд гардида, ба микдори  873 гектар ҷангалзори кўҳна  барқарор шуд ва дар майдони 6329 гектар корҳои нигоҳубини ҷангалзор гузаронида шуданд.

Июль 21, 2015 10:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд