Бунёдкорӣ дар доираи 500 рӯзи меҳнати зарбдор

Хуҷанд, 20.07.2015. (АМИТ “Ховар”).-Тавре ки аз хадамоти матбуоти раиси вилояти Суғд иттилоъ доданд, бо мақсади вусъат додани корҳои ободониву созандагӣ, инчунин таъмини иҷрои қарори раиси вилояти Суғд дар бораи эълон намудани 500 рӯзи меҳнати зарбдор бахшида ба 25-солагии Истиқлолияти Ҷумҳурии Тоҷикистон дар шаҳру ноҳияҳои вилояти Суғд корҳои бунёдкориву созандагӣ вусъат мегиранд.
Дар нимсолаи якуми соли 2015 дар ноҳияи Бобоҷон Ғафуров зиёда аз 104 ҳазор бех гули ороишӣ ва зиёда аз 8 400 бех дарахти гуногун харид шудааст, ки ин барои зеббахшии намои шаҳр мусоидат хоҳад кард.