Дар 6 моҳ 12 гурӯҳи муташаккили ҷиноӣ дастгир шудааст

Душанбе, 25.07.2015 (АМИТ «Ховар», Лайло Тоирӣ).-Зимни гузаронидани чорабиниҳои фаврӣ-ҷустуҷӯӣ ва амалиёти махсус дар шаш моҳи аввали соли 2015 — 12 (соли 2014-14) гурӯҳи муташаккил дар ҳайати 100 (соли 2014-61) нафар дар содир намудани 208 (соли 2014-98) ҷиноят муайян ва дастгир шудаанд.
Дар шашмоҳи соли 2015дар ҷумҳурӣ 10 ҳазору 411 (2014- 9339) ҷиноят ба қайд гирифта шудааст ва сатҳи ошкоркунии ҷиноятҳо 94,3(соли 2014-93,4) фоизро ташкил медиҳад. Дар ин бора имрӯз зимни нишасти матбуотӣ вазири корҳои дохилии Ҷумҳурии Тоҷикистон Раҳимзода Рамазон Ҳамроҳ иттилоъ дод. 
 “Дар давраи ҳисоботӣ 2203 (2014-1976) ҷинояти вазнин ба қайд гирифта шудааст, ки аз ин ҳисоб куштор- 51 (2014-54), роҳзанӣ-22 (2014-17),  ғоратгарӣ-68 (2014-87),таҷовуз ба номус-16 (2014-22), қасдан расонидани зарари вазнин ба саломатӣ-43 (2014-62), авбошӣ-593 (2014-634), дуздӣ-2741 (2014-1903)ҳолат, инчунин 1902 (2014-1606) ҷинояти қаллобӣ ба қайд гирифта шудааст”,- гуфт Рамазон Раҳимзода.