Дар Ванҷ корҳои пешгирӣ аз офати табиӣ идома доранд
Душанбе, 22.07.2015 (АМИТ «Ховар», Муфарраҳи Шодӣ).-Дар натиҷаи гармшавии ҳаво ва аз меъёри муқаррарӣ зиёд шудани оби дарёчаҳои кӯҳӣ ба хоҷагии халқи ноҳияи Ванҷ низ хисорот ворид гардид.
Сардори маркази матбуоти Кумитаи ҳолатҳои фавқулода ва мудофиаи гражданӣ Ориф Нозимов ба АМИТ «Ховар» иттилоъ дод, ки 22 июли соли ҷорӣ, тахминан соатҳои 11;35 дақиқа дар ҷамоати деҳоти М.Абдулоеви ноҳияи Ванҷ аз рӯдхонаи деҳаи Рохарв сел фуромада, маҷроашро ба тарафи маҳаллаи Гулистони ҷамоати мазкур намуд. Дар натиҷа ба 15 заминҳои наздиҳавлигии шаҳрвандон об даромада, зарар расонид.
Аз рӯи баъзе маълумоти шахсони дар ҷойи ҳодиса қарордошта, обанбори хати оби нӯшокӣ ва қубурҳои иқтидорашон калон, ки тавассути онҳо ба ҳудуди ҷамоати деҳоти М. Абдуллоев об интиқол меёфт, бо сабаби сар задани ин офати табиӣ хароб гардиданд.
Аз тарафи Ҳукумати мамлакат аз тариқи чархбол ба мавзеъҳои офатрасида маводи ғизоӣ ва оби нӯшокӣ расонида шуд.
Дар суҳбати телефонӣ раиси ҷамоати деҳоти М. Абдуллоев Майрам Давлатова гуфт, ки пас аз зуҳри имрӯз сатҳи оби дарёҳои минтақа дубора боло рафта, оилаҳои дар соҳили дарё қарор дошта ба ҷойҳои бехавф кӯчонида шуданд. «Барои гирифтани пеши роҳи об ҳоло дар соҳили ин дарёчаҳо бо ҷалби техникаҳо корҳои пешгирӣ идома доранд», — илова намуд М. Давлатова.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
