ДИИШ ба кӯдакон куштор меомӯзад

Душанбе, 11.07.2015 (АМИТ «Ховар»).-Ба гузориши пойгоҳи хабарии шабакаи «Ал-олам», ДИИШ бештар кӯдаконро барои амалҳои террористӣ истифода мебарад. Инҳо кӯдакони ятиме мебошанд, ки хонаводаҳои худро бар асари ҷанг аз даст дода, ё писароне ҳастанд, ки ДИИШ дар манотиқи ишғолшуда пас аз куштани падаронашон ва ба канизӣ гирифтани модаронашон онҳоро ба ғанимат гирифтааст.  
Бино бар иттилооти расида, дар се рӯзи гузашта чанд кӯдаке, ки аз ҷониби ДИИШ ҷалб шуда буд, худро бо худравҳои бомбгузорӣ мавриди таркиш қарор додаанд.
    Ба навиштаи хабаргузории мазкур, бар асоси омори ғайрирасмӣ аз ибтидои соли ҷорӣ зиёда аз 150 кӯдак, аз ҷумлаи асироне, ки дар тамрингоҳи ДИИШ нигоҳ дошта мешуданд, дар набардҳову амалҳои террористии ин гурӯҳ кушта шудаанд.
    Нозирони ҳуқуқи башар аз иқдоми ДИИШ дар ҷалби беш аз 1100 кӯдаки суриягӣ аз ибтидои соли 2015 хабар медиҳанд.