Фаъолияти илмии ДСРТ дар нимсолаи аввал назаррас аст

Душанбе, 14.07.2015. (АМИТ «Ховар», Ситораи Боймурод).- Мувофиқи нақшаи чорабиниҳои илмии Донишгоҳи славянии Русияву Тоҷикистон (ДСРТ) дар нимсолаи якум 4 конфронси байналхалқӣ, 1 конфронси байналхалқии донишҷӯён, 3 конфронси ҷумҳуриявӣ, 1 мизи мудаввари ҷумҳуриявӣ, 1 конфронс дар байни донишгоҳҳо, 9 мизи мудаввар, 1 конфронси дохилидонишгоҳӣ, 1 форуми донишҷӯёни байни донишгоҳҳо, 2 мизи мудаввари донишҷӯён доир гардид,- гуфт ректори Донишгоҳи славянии Русияву Тоҷикистон Нуралӣ Салихов имрӯз, 14 июл зимни нишасти матбуотӣ.
Гуфта мешавад, ки натиҷаҳои корҳои илмӣ-тадқиқотии ҳайати профессорон ва муаллимони донишгоҳ дар шакли 5 рисола, 2 маҷмӯаи мавзӯӣ пешниҳод шудаанд. Барои таъмини сифатноки ҷараёни таълимӣ 2 китоби дарсӣ ва 24 китоби таълимӣ-методӣ чоп шудааст. 
Дар соли 2015 дар донишгоҳ 9 лоиҳаи илмӣ, ки аз буҷети ҶТ маблағгузорӣ мешавад (дар ҳаҷми 181725 сомонӣ), 8 мавзӯи илмӣ-тадқиқотӣ, ки аз буҷети ДСРТ маблағгузорӣ мешавад (дар ҳаҷми 356581 сомонӣ), 2 лоиҳаи илмӣ, ки кор аз рӯи онҳо тибқи Нақшаи молиявии барномаи рушди ДСРТ барои соли 2015 амалӣ мешавад, иҷро мегардад.