Фарҳод Раҳимӣ: Дарвозахонаи асрҳои 16 ва 18 дарёфт шуд

Душанбе, 9.07.2015. (АМИТ «Ховар», Раъно Нусратуллозода).- Вобаста ба ҷашни 3000-солагии фарҳанги Ҳисор дар ҳудуди Қалъаи Ҳисор корҳои ҳафриётӣ гузаронида шуданд. Зимни таҳқиқот аз ин мавзеъ дарвозахонаи асрҳои 16 ва 18 дарёфт карда шуд. Ин матлабро имрӯз зимни нишасти матбуотӣ президенти Академияи илмҳои Ҷумҳурии Тоҷикистон Фарҳод Раҳимӣ иброз дошт.  
Ёдгориҳои таърихию фарҳангии вилояти Хатлон  бахшида ба ҷашни 700-солагии Мир Саид Алии Ҳамадонӣ таҳқиқ  шуданд. Файласуфон ва ҷомеашиносон муайян намуданд, ки равандҳои геополитикӣ ба таври бевосита ва бавосита ба вазъи динии Тоҷикистон таъсир мерасонанд. Бинобар ин барои пешгирӣ аз паёмадҳои манфии чунин таъсирҳо барномарезии дақиқ ва санҷидашуда нисбат ба муносибат ба дин, дуруст фаҳмонидани ҳадафҳои сиёсати пешгирифтаи давлат дар ин самт зарур аст.